Der is weer n nije oetgoave van t digitoale tiedschrift Kreuze.

Home » Alle berichten » Der is weer n nije oetgoave van t digitoale tiedschrift Kreuze.

Moi lu,

Der is weer n nije oetgoave van t digitoale tiedschrift Kreuze. Ons webstee het diskeer 26 bladzieden mit verhoalen, gedichten, nijs en aander schrieverij in de Grunneger toal.

De biedroagen binnen van Nico Torrenga, Ab Detmers, Jan Sleumer, Trijnko Pelgrim, Ingeborg Nienhuis, Willy Westerdijk, Nane van der Molen, Bert Weggemans, Henk Puister, Nelleke van Vliet, Klaas van Zonneveld, Kunny Luchtenberg, Anna de Vries-Maarhuis, Eldert Ameling, Jan Huttinga, Wim Blaauw, Gerhard P.J. Jansema en Bert Wijnholds.

Joargang 15, nummer 86 van Kreuze staait nou op http://www.kreuzekeuze.nl/.

Kreuze is n tiedschrift veur en deur lezers. Elkenain kin en mag wat insturen. Pebaaier t ook es! Hier hevve wat richtlienen veur hou wie t geern van joe kriegen..

  • Kreuze is n tiedschrift veur de Grunneger toal, wie ploatsen gain inzendens dij overwegend in aander (streek)toalen schreven binnen. Veur elke variaant van t Grunnegs is stee in Kreuze
  • Veur de goie spèllen kin je t beste oetgoan van de beknopte spèllenswiezer dij bie de Pervinzioale Schriefwedstried bruukt wordt:
    webloug
  • Wait je nait (sekuur) hou of je n woord schrieven mouten? Dat kin j’opzuiken in Siemon Reker zien buutswoordenboukje, dat ook op t internet te vinden is: groningsonline
    Doar kin j’ook oetgebraaidere spèllensregels vinden.
  • Richtlien veur t gebruuk van waarkwoorden is t boukje Hogelandster waarkwoorden van Christopher Bergmann en Hindry Schoonhoven. Let op: de Hogelandster spèllen van bepoalde waarkwoorden kin aans wezen as in aander variaanten van t Grunnegs.
  • Ófhankelk van t aanbod, kommen per schriever veur max. 2 verhoalen of 3 gedichten in n oetgoave van Kreuze. Wil je verhoalen en gedichten insturen, den is t maximum 1 verhoal en 2 gedichten.
  • Veur verhoalen is der n maximoale lengte van om en bie 1500 woorden.
  • As joen tekstverwaarker gain woorden tellen kin: mit t lettertype Arial in n formoat van 11 punten, kom je om en bie 2 bladzieden oet.
  • As je n aander zien tekst bruken of noar t Grunnegers omtoalen, vermeld den de noam van d’oorspronkelke schriever/dichter.
  • As je der n schiere (achtergrond)òfbeelden bie hebben, krieg wie dij geern as lös bestaand. As ie de noam waiten van de moaker, geern derbie vermelden.
  • Teksten kriegen wie geern as Word-document.
  • As joen schrieverij in Kreuze komt, krieg je de rondzendbraif as bewiesnummer toustuurd..
groningen

Reacties zijn gesloten.